当前位置: 主页 > 国际联盟 >Running Man光洙 环球玩命实录 >

Running Man光洙 环球玩命实录

点赞:159 时间:2019-05-22 阅读量:843

Running Man历年去过唔少地方拍摄,今年仲多咗个计划,飞离韩国去匀玩世界7大危险景点!去过嘅地方包括日本、印尼、澳洲同纽西兰皇后镇!睇住光洙挑战呢啲景点,已经吓到个心离一离,但若果无胆挑战,亦可到首尔全新的RM体验馆玩竞技游戏!

文:Ellissa|图:Klook、Irene Xing、网上截图

RM挑战 世界七大危险景点

除左经典游戏,其实Running Man过往仲去咗好多唔同嘅地方拍摄节目,今年播出嘅环球特辑将会去旅游Blogger精选嘅世界7大危险景点,代替过往俾佢哋作为游戏大惩罚嘅地方,唔知大家又有无去过呢?

Running Man光洙 环球玩命实录
Running Man 加入新团员之后推出全球企划!

全球企划会代替以往Ruuning Man喺韩国玩游戏输咗嘅大惩罚,今年输咗就要去世界各地接受危险景点嘅挑战喇!7大危险景点里面,Running Man已经去齐四个喇!

Running Man光洙 环球玩命实录
Running Man 计划走访世界7大危险景点!
光洙三度大惩罚

已经播放嘅三个危险景点大惩罚里面,李光洙去齐晒!仲要次次都係独自完成任务,可怜嘅佢命中率点解可以咁高?真係无人会知道!

Running Man光洙 环球玩命实录
无论点,结果都係李光洙,被命运选中嘅细路!

01|日本富士急 世界最大鬼屋

喺日本东京富士急高原乐园战慄迷宫,里面唔似其他鬼屋咁有规定好的路线,反而係畀参加者自己行!基本上所有参赛者都会分为2-3个人一组入里面玩!今次接受惩罚嘅有池锡辰、梁世灿、刘在锡、全昭旻同李光洙!

Running Man光洙 环球玩命实录
睇到画面已经觉得好恐怖了!

Running Man今次嚟到话明係大惩罚,所以喺去鬼屋之前就已经有晒其他游戏分胜负,输咗嘅人就要独自走入去呢个鬼屋喇!当然,呢个勇士就係细胆嘅李光洙,虽然好唔情愿、但输咗都係要找数嘅!

Running Man光洙 环球玩命实录
李光洙更加吓到贴墙而行,用三国语言表达佢有几惊!

入过富士急鬼屋嘅人都话,无一个钟唔使指意出返嚟,惊吓程度连Running Man嘅工作人员入完去都全身湿晒,仲话里面真係唔讲得笑咁惊!

Running Man光洙 环球玩命实录
工作人员都顶唔顺啊!

到底咁强劲嘅鬼屋係点嚟㗎呢?原来故事背景喺医院,医生会係病人做手术嘅时候拎走佢地嘅内脏储存嚟卖!死去嘅尸体就会寻仇,所以内有唔少医生、护士、病人追杀参加者!

Running Man光洙 环球玩命实录
李光洙吓到跌咗落地下啊!

战慄迷宫@东京富士急高原乐园

地址:山梨县富士吉田市新西原5丁目6番地1号

门票:1,000日圆

官方网站

02|印尼日惹 手动木吊车过巨浪湾

另外李光洙、全昭旻都去咗印尼日惹着名大浪的海边,玩手动木製缆车横越巨浪海湾,只係睇画面就知道佢哋用紧生命嚟拍摄!因为连结小岛嘅就只有一条吊桥同缆车。

Running Man光洙 环球玩命实录
距离小岛中间海域嘅浪花从来无停止过!(
Running Man光洙 环球玩命实录
天气好都咁大浪,更何况Running Man拍摄嗰日天气麻麻!(
全身湿透无一幸免

未到终点已经湿晒嘅李光洙,因为缆车嘅载客限制,又係自己一个人去完成任务,环境嘅恐惧令佢忍唔住为自己打打气啊!一个一个咁坐缆车去对面岛,中途经过咁大嘅风浪,又点会有可能唔湿晒啊!Running Man两位成员都无一幸免啊!

Running Man光洙 环球玩命实录
睇清楚架缆车製作有几令人觉得畏惧!
Running Man光洙 环球玩命实录
全昭旻一个女仔係茫茫大海上面係惊啲嘅!
天气坏 海浪高过缆车

呢个小岛附近海浪巨大,成日都会突然地淹没缆车,加上拍摄当日天气麻麻,巨浪翻天,睇见都觉得恐怖,而且缆车全人手控制,时快时慢,有时仲会停咗喺中间!

Running Man光洙 环球玩命实录
玩到中段,一个浪打埋嚟,全身湿晒!
Running Man光洙 环球玩命实录
连全昭旻都无办法逃避,你就知道个海浪有几高喇!

曾经都有网友玩过手动缆车㗎!

印尼爪哇日惹手动木製缆车

地址:Timang Beach – Jl. Pantai Sel. Jawa, Purwodadi, Tepus, Kabupaten Gunung Kidul, Daerah Istimewa Yogyakarta 55881, Indonesia

门票:200,000印尼盾

开放时间:9am-5pm

03|澳洲达尔文 死亡之笼睇鳄鱼仲有一个危险景点就係澳洲嘅死亡之笼喇!喺达尔文嘅鳄鱼主题公园有一个区域,可以畀人藏身喺透明玻璃箱里面潜入水底睇鳄鱼!极度近距离接触!

Running Man光洙 环球玩命实录
李光洙又係逃避唔到嘅一位,唯有独自认命落水睇鳄鱼喇!
Running Man光洙 环球玩命实录
闻说啲鳄鱼有600kg重㗎!真係好大只啊!

同行嘅仲有刘在锡、池锡辰,佢地两个就好幸运咁可以一起落水睇鳄鱼,唔需要好似光洙咁惨!不过事实係巨大鳄鱼当前,无论有几多人陪住你,都係会好惊嘅!

Running Man光洙 环球玩命实录
两位準备好一起去迎接鳄鱼啦!
Running Man光洙 环球玩命实录
不过食花生嘅全昭旻就隔着块大玻璃话啲鳄鱼好可爱!

满布爪痕的死亡之笼

成个笼都好清楚可以见到鳄鱼嘅爪痕!啲鳄鱼肯定唔惹小,佢哋会直接冲撞埋嚟,一啲都唔怕人㗎!

Running Man光洙 环球玩命实录
鳄鱼爪痕清晰可见!
Running Man光洙 环球玩命实录
刘在锡同池石镇都吓到只係想后退!可惜个笼大极有限啦!

澳洲达尔文鳄鱼主题公园死亡之笼

地址:58米切尔街达尔文市(米切尔及卑利街的拐角处)

入场门票:成人35澳币

死亡之笼门票:单人170澳币、双人260澳币

开放时间:每日9am-6pm,圣诞节休息

官方网站

04|纽西兰皇后镇 160米峡谷韆鞦

啱啱播出最新个集Running Man就播出最新预告,哈哈同梁世灿一起玩160米峡谷韆鞦!位于纽西兰皇后镇嘅纳维斯山谷,又係睇相就已经畏高嘅景点!唔知佢地玩嘅时候享唔享受呢?

Running Man光洙 环球玩命实录
係悬崖峭壁等待紧出发嘅两人!
Running Man光洙 环球玩命实录
呢个角度望到都脚震喇!

其实登上160米高嘅韆鞦平台本来已经係一件恐怖嘅事,再戴埋安全装备,踏出去坐低!一定紧张刺激、心跳加速,只係见到画面就已经觉得恐怖!

Running Man光洙 环球玩命实录
倒数:3!哈哈已经惊到唔敢打开对眼!
Running Man光洙 环球玩命实录
倒数:2!梁世灿表示可唔可以等多一阵先啊?!
Running Man光洙 环球玩命实录
倒数:1!终于真係要出发喇!

纽西兰皇后镇峡谷韆鞦

地址:Shotover & Camp Streets, Queenstown 9300纽西兰

入场门票:210澳币

网址

05 | 美国夏威夷 与鲨同游潜笼

尚未播出但已率先预告的惊验位,仲有位于美国夏威夷欧胡岛的鲨鱼笼,係游客推荐危险景点之一,可以喺个铁笼里面直接同鲨鱼一齐游水。鲨鱼仲会直接撞埋去个笼到,如果唔想无晒啲手手脚脚,记得唔好伸出去啊!

Running Man光洙 环球玩命实录
美国鲨鱼笼都係Running Man危险景点嘅推介之一!

美国鲨鱼笼

入场门票:120美金

开放时间:6am-11am

官方网站

06 | 印尼挑战活火山

喺印尼布罗莫活火山係当地一大名胜!都係榜上有名嘅世界危险景点之一!

Running Man光洙 环球玩命实录

印尼布罗莫活火山

官方网站

07 | 西班牙 欧洲最长飞索

最后一个危险景点,佢地提议咗喺西班牙全欧洲最长嘅飞索!虽然未有消息Running Man最后会唔会去,但一向锺意刺激冒险嘅你就可以自己首先去试吓啦!

Running Man光洙 环球玩命实录

西班牙飞跃托莱多

开放时间:每日11am-6:30pm

入场门票:10欧元

官方网站:flytoledo.com

回到首尔:Running Man体验馆

除左外景,近期韩国推出咗Running Man体验馆啊!里面嘅刺激游戏实在令人睇相都想飞去韩国!每个游戏都係参照Running Man的节目内容,精彩到好似置身喺佢哋嘅拍摄现场一样啊!各位忠粉係咪好想立刻买机票去韩国玩返转呢?

Running Man光洙 环球玩命实录
可以约埋朋友飞去韩国一起挑战!
Running Man光洙 环球玩命实录
Running Man体验馆,喺SM免税店里面!
置身于Running Man游戏现场

在体验馆里面,可以喺闯关途中收集R币、搵宝物、迷宫战等等!每位参加者仲可以喺入场时候获得Running名牌,满足你成为主角嘅愿望!

Running Man光洙 环球玩命实录
参加者要喺45分钟里面尽情收集金币、好似亲身玩Running Man咁!
Running Man光洙 环球玩命实录
每个人身后都有属于自己名字嘅牌!
满足成为Running Man嘅梦想

除咗道具,更加精彩嘅就係唔同难度嘅游戏!参加者可以同朋友一起完成挑战,满足以前睇节目好想一齐玩嘅梦想!

Running Man光洙 环球玩命实录
参加者可以自由咁体验六个游戏场馆!
Running Man光洙 环球玩命实录
佢地身后嘅係镜子迷宫,都係Running Man成日会玩嘅游戏嚟!

Running Man体验馆

地址:首尔市钟路区仁寺洞5街41HANA大厦SM免税店地下1层SBS Running Man主题体验馆

门票:16,000韩圜

开放时间:10am-8pm

网址

延伸阅读:追星族必去!8间首尔 韩星 餐厅+Cafe+烤肉店+酒吧(含地图)

Running Man光洙 环球玩命实录

延伸阅读:宋宋夫妇婚礼準备就绪|宋仲基宋慧乔 首尔筑百亿爱巢!Running Man光洙 环球玩命实录

相关文章