有冇谂过一个钟就可以由东京去到「日本天空之镜」，唔驶山长水远去到玻利维亚呢？这个被誉为隐世「天空之镜」，位于千叶县木更津市嘅江川海岸，喺日本一早成为私影热点，嗰到除咗因为块「镜」出名之外，佢哋嘅「海中电柱」都係一大闻名地标。

日版「天空之镜」

灯柱整齐排列喺海中心，有眼利嘅日本网民发现呢个场境好似喺「千与千寻」中成日出现。

难道宫崎骏係喺到搵到灵感？

企喺上面就好似置身天空中！

要影到最靓嘅「天空之镜」一定要捉紧拍摄嘅时间，特别係日出日落，成个画面就会由蓝色渐变到红色，十分梦幻同有层次感！

 

地址：日本〒292-0063 千叶県木更津市江川

交通：从厳根駅坐计程车15分

摸蚬好去处

喺江川海岸除咗有得影靓相，每年3月至8月都吸引好多人会去个到摸蚬场（日本称为「潮干狩り场」）。由于千叶县有地理优势，海水十分清澈，人们可以摸到好多蚬。前往前可以浏览官方网站留意「潮见表」，咁就可以知道几时潮胀潮退，把握时间摸多啲蚬！

每次入场都需要收取入场费并规定摸蚬数量。个人入场的话大人需要约HKD$109 (2KG)、小童为约HKD$55(1KG)。若以团体身份入场，成人需约HKD$102(2KG)，小童则约HKD$51(1KG)。若摸蚬数量多于指定数目要额外收取约HKD$55(1KG)，摸蚬用具及其他服务需另外收费。

江川海岸潮干狩り场

地址：日本〒292-0063、千叶県木更津市江川

网站

远望富士山

喺木更津都可以容易见到日本富士山，其地理位置沿海，西侧面向东京湾，有唔少位置都可以望到整座富士山。

其中喺「中の岛大桥」绝对係一个有利位置去欣赏呢个美景！

中の岛大桥

地址：日本〒292-0839 千叶県木更津市中の岛

交通：JR内房线「木更津駅」下车、徒歩10分